කොහෙදෝ ගිහින් අද නැත මවු සරස්වතී
by Akila Jayalath
1- ගෝපී ක්‍රිෂ්ණා හුරතල් දෙවු පැටවු වෙතී
වස්දඬු රාවෙ මිහිරට දෙසවනට ............ලතී
වනමල් සපිරි වදුලේ දුව පැන............නටතී
සියළු සතුන්වෙත මෙත් කරුණා...........පාතී
2- පති භක්තියේ උත්තම ගුණ තවරා.....ඇතී
රාමා සීතා පැදි රසයෙන් මන..............පිරෙතී
කුලඟන වෙතට පත්තිනි දේවිය...........වඩිතී
පතිනිගේ පැලට සිරිදෙවුදුව සිරිය..........දෙතී
3- විෂ්ණු කතරගම නාමික මැවු...........රුවැතී
සම්‍යක් දෘෂ්ටියෙන් පිදුවොත් සැප.......ලබතී
මිත්‍යා සිහින සිත පැතුමන් දුකම............දෙතී
මනසින් උසස් සත්වයෝ සත්‍යය..........දකිතී
4- සමහර ඇත්තො උස්මන මත........වාඩිලතී
ලෞකික පැතුම් පිරි මනසින්..........වැඳ යදිතී
යථාවාදී මන පුබුදා....................ගතොත් නිතී
සැම දෙවි දේවතාවුන්................ඔවුනට වඳිතී
5- සර්ධා සිතින් සිත්තරු මැවු.......දෙවි රුවැතී
මිත්‍යා සිතින් තන්හාවෙන්..............වැළඳගතී
සත්‍යය හඳුනාගත් මිනිසුන්...........විරළ වෙතී
උස් වූ මනස් ඇති අය අඳුරට............නොයතී
6- නෙක නෙක වර්ණ ඇති මල් පළතුරු පුදතී
හඳුන් සැවැන්දරා දුම් දෙවොලේ.........පිරෙතී
භක්තිය දෙනෙත තුළ යාදින්නා............කියතී
ලෞකික ලොවේ තිර නැති දේ වැඳ.......යදිතී
7- යහගුණ මිනිස් හදවත්තුළ...........තිබුන එතී
කිම නැතිකලේ තන්හාවෙන්..........වෙළී ගැතී
සක්කාදිට්ඨියට මන ඉඩ දී.......................සිටිතී
එහෙවු කලට මේවන් යුග.................එළි දකිතී
8- කෝවිලෙ ගල් බිත්ති පුපුරා හැලී..........ඇතී
මකුළුවො රොත්ත විත් ඒ මත දැල්...........වියතී
ගෝපී ක්‍රිෂ්ණලා අද කැති ගා...................නසතී
කොටි දෙන වෙලා වෙඩි කෑවද............සරස්වතී
9- තන්හා රති රගා කවිබිම මත................රඟතී
කාසිය හොයන කෙටි කෙටි මං මවා..........දෙතී
විලිබිය නොසිඳි හෙළයේ ලියො සැඟව.......යතී
කොහෙදෝ ගිහින් අද නැත මවු...........සරස්වතී
''''''''''''''''''''''''''''''''''''''''''''''''''''''''''''''''''''''''''2013.08.27
අකිල කිවිදුන් ලියූ කවක්
෴ සිතුවිලි පලස ෴
