skip to main
|
skip to sidebar
Pages
෴මුල් පිටුව෴
෴ facebook එකෙන් අපි෴
෴ සිතුවිලි පලස ෴
|නිදහසේ ගලන සිතුවිලි නිදහසේ පල කරන්නට අවකාශයේ පලස|
ShareThis
2014-04-01
ඉඩෝරය......
තෙතමනයක් නැති
හදකින්
ආදරය පැතීම
වලාකුළක් නැති
අහසින්
වැස්ස ඉල්ලීමකි
2014-03-10
වැලන්ටයින්෴
රෑ දෙකට විතර වහින්නට පටන් ගත් වැස්ස එළි වෙන තුරුම චුරු චුරු ගගා තිබුනා. බ්ලෑන්කට්ටුව තව තදට පොරොව ගෙන මම ඔහේ ගුලි වෙලා හිටියේ සීතල හින්දම නෙවෙයි, බ්ලැන්කට්ටුවත් වෙලාවකට මට හිරි හැර කරන හැටි අම්මපල්ල. කකුල් දෙක වහ ගත්තොත් ඔලුව එලියෙ, ඔලුව වහ ගත්තොත් කකුල් එළියෙ.
ජනේලයෙන් එළියේ අමුතු සුරංගනා කතාවක පසුබිමක් වගෙයි පෙනුනේ. හුඟාක් ඈතින් වීදියේ පහන් කණුවක කණ පාට එළිය මාව තවත් කම්මැලි කෙරෙව්වා. කල්පනා
කරන්නවත් දෙයක් නැතුව ඉන්න කොට, එක පාරටම කවුද දොරට තට්ටු කලා. දොරට කලබලෙන් ගහගෙන ගහගෙන ගියා. එකත් එකටම පීටර් මාමා වෙන්න ඇති, අදත් කබල් මෝටර් බයිසිකලේ කැඩිලා තල්ලුවක් ඉල්ලන්න එන්න ඇති කියලා හිතුන හින්දා සද්ද නැතුවම හිටියා. දොරට ගහන සද්දෙ වැඩි උනා. තව පාරක් හයියෙන් ගැහුවොත් දොර කැඩෙන සයිස්.
"කවුද...??
මම ගෙදර නෑ....!!
උදෙම්ම පට්ටලේ වැඩට ගියා..
හවස් වෙලා එන්නෙ.."
මම පීටර් මාමාට නෝක්කඩුවට වගේ කෑගහල කිව්ව..
"ඕයි එහෙනං ඔය උත්තර දුන්නෙ කවුද..??"
එළියෙන් ඉතා වේගයෙන් ඒ ප්රශ්නෙ ආවා..
කවුද කියනවකො. මේ උදේ පාන්දර..
තමුසෙ ඉස්සෙල්ල දොර අරිනවකො
ඊට පස්සෙ බලනවා කවුද කියලා
ඒ වචනවල තිබුනේ තද බවක්
මම නැගිටලා දොර ඇරියා
කී...ස් ගාලා කම්මැලි කමෙන් තමා දොර ඇරුනෙත්. එලියෙ හිටියෙ මහල්ලෙක්. කවදාවත් දැකලා නැති බව නම් හොඳටම විශ්වාසයි. "මට නිදි මත හින්ද වෙන්නැති" මම ඇස් පිහදාලා ආයෙමත් බැලුවා. ම්ම්ම්හු.. දැකලම නෑ...
ඔහේ කවුද..?
මම ඇහුව
මම කවුද කියල කියන්නම්.. ඉස්සෙල්ල තමුසෙ මට ඇතුලට කතා කරලා කෝපි එකක් දෙනවා.. එළියෙ වහිනවා හිමත් වැටෙනවා.. පේන්නැද්ද මගෙ කබායත් තෙමිලා.. "
ඔහු කියාගෙන කියාගෙන ගියා..
"එහෙනං එනවා.. ඔය උදුන ලඟ පුටුවෙන් වාඩි වෙනවා..
මට වත් කෝපි එකක් හදාගන්න කම්මැලි කමෙන් ඕයි මමත් හිටියෙ"
මම කිව්වෙ නොරුස්සන ස්වරයෙන්"
ඔහු ගේ ඇතුලට ආවෙ ක්ෂණයෙන්. ආපු ගමන් පුරුදු කාරයෙක් වගේ පුටුවෙන් වාඩි වෙලා පත්තරේ කියවන්න ගත්තා. මම කතා නොකරම කුස්සියට ගිහින් කෝපි දෙකක් හදාගෙන ආව..
හ්ම්ම්... දැං කියනවා බලන්න තමුසෙ කවුද ? කොහෙන්ද කඩා පාත් උනේ කියලා..
මමත් වාසි උනා පුටුවක..
තමුසෙට මාව අදුරගන්න බැරිද? මම වැලන්ටයින්..
නෑ මං ඔහේව අදුරන්නෙ නෑ.. කොහේ ඉඳලද ආවෙ...
ඔහු ඉතා උස් හඩින් සිනා සුනා.. දින ගනනකින් දත් නොමැදපු බව හක්කේ තිබුනු දත් වලින් පවා සනාථ උනා..
ඒ කියන්නෙ තමුසෙ මාව දන්නෙ නෑ ආ..
ඔහු නැවතත් සිනාසෙන්න ගත්තා.. මට මෙලෝ දෙයක් තේරුනේ නෑ..
මේ තමුසෙ මාව දන්නෙ නැත්නම් ගිහිල්ල කැලැන්ඩරේ බලනව අද දිනය කවද්ද කියලා..
සාලයේ කොනක තිබුනු දින කැලැන්ඩරයක් වෙත මගේ ඇස් ක්ෂනිකව ගියා. අද පෙබරවාරි 14.. මේ මොන මගුලක් ද මූ කියන්නෙ. මට පිස්සු වගේ හැඟීමක් දැනුනා..
මට තේරෙන්නෙ නෑ ඕයි තමුසෙ මොකක් කියන්න හදනවද කියලා.. අද 14.. පෙබරවාරි තමයි
ඉතිං..??
අමුත්තා පුවෙන් විදුලි වේගයෙන් නැගිට්ටා. නැගිටලා මගේ ඇස් දිහා කෙලින්ම බලාගෙන ඉදලා දොර ඇරගෙන වේගයෙන් වීදියේ එහා මෙහා යන පිරිස අතරට එකතු උනා....
පාදඩයා෴
රාම් ලීලා෴෴
ඉපදුනේ දෙපිළක නොවුනට...
තුවක්කු හරඹ
කැති පොලු හරඹ..
නැටුම් ගැයුම්
හෝලි...
මොකවත් නැති උනාට..
අහන්නත් කලින්..
උඹ මගේ තොල්
අයිති කරගත්තට...
උදවු කරන්නයි
හරස් කපන්නයි
යාලුවෙක් තියා
බල්ලෙක් වත් නොහිටියාට...
මමත් පැන්න
නෝනා නැති එක රෑක
උඹේ කාමරේට...
ලීලාවතී...
මම රාමණායක..
පාදඩයා෴
2013-12-19
___සිද්ධ පත්තිනි.. රෙද්දෙ තුත්තුරි__
රෙද්දෙ තුත්තිරිත් හැමතැන
බැද්දෙ ටත් හොරෙන් රඟ දෙන
පත්තිනි ත් අතින් ඇර ගෙන
මල් කුමාරියෝ
රඟ දෙන මල් කුමාරියෝ
කම්මලක් වගේ කට නම්
ගින්දරක් නැතත් ගිනි දෙන
කේලමින් රටක් වනසන
මල් කුමාරියෝ
සුන්දර මල් කුමාරියෝ
පන්දමක් අතින් අර ගෙන
දිය යටින් ගිනිත් ගෙනියන
බෙර නැතත් අඩව් අල්ලන
මල් කුමාරියෝ
ලස්සන මල් කුමාරියෝ
© ෴දර්ශන විමුක්ති෴
19.12.2013
2013-10-29
෴ හදවත ලග නතරව නුඹ෴
හදවත ලග නතරව නුඹ
කිමද බලන මේ වට පිට
නැගෙන කදුළු මේ දෙනෙතින් විවරව
දැනෙන නොම දැනෙන සේ මුව සිනහව
තරවටු කරමින් පෙම් කල මසිතට
කිමද නුඹ තවම හිත ලග නතරව
බලන බලන හැම අත ඔය යටි හිත
කියන කවිය මම නොවේද මා ලබැදිය
කරුණ දැන කරුණු විමසන සද
දැනෙන කදුළු තෙත් නොම වෙද ඔය හිත
විදින හී සරක සැර පහර ලද
හදට කිමද මේ තරමට දුක් කද
© ෴දර්ශන විමුක්ති෴
October 25 - 2013
෴පහන් කණුව යට෴
෴පහන් කණුව යට෴
________________________
තනිකඩව තනි රකින
තනි හිතක නිනව්වේ
අතරමං කුණාටුව
කොයිබටද ඇදෙන්නේ
වස හද දොරගුළු
නිදා නොදකින ලෙසේ
ලොවම නිදන රැයේ
ඉකි ගසන රාත්රිය
මූසල අදුරු කුටියක
සිත්තමක් වන ලෙසට
ගෙත්තමක් ගෙතෙන්නේ
සුවද දෙන මල් සුවද
පරව ඉකි ගසන්නේ
තුඩ තුඩග රදා ගෙන
කාසි මිටි ගසන්නේ
කුමන අරුමද ලොවේ
දුගී දන මිරිකෙමින්
සත්තකම සොදුරු ගත
හතර අත බෙදන්නේ
© ෴දර්ශන විමුක්ති෴
October 26
බඹරු වෙති නුඹට රිසි නොවෙමි ඒ මම
සැලෙන හද
පෙලන සර
දකින විනිවිද
දිලෙන රුව
පාන ඉඟි
ගෙනෙයි මායම
බලන නෙත
සලන එක
සැණෙක රහසෙම
බඹරු වෙති
නුඹට රිසි
නොවෙමි ඒ මම
© ෴දර්ශන විමුක්ති෴
October 26
2013-10-18
මතක අහුරක රැඳුන කඳුලක්
පවුරු බැඳි හිත අතර සිර වුන
කඳුළු කවිකම් සෙමින් ඉකිබිඳ
ඔහේ ඇවිදන් ගියපු මඟතොට
මතක සක්මන් කරයි රහසෙම
හඩන හැඩවෙන දෙනෙත් අග රැඳි
මාතක මාවතේ ඇවිද යනවිට
යලිත් කඳුලක් තෙමු ඇයි නෙත්
හැඩෙන මතකය දුරට යන විට
පබළු වැහිපොද සෙමින් වැටෙමින්
මගේ සියොලඟ දවා හඩමින්
කඳුළු මාලා ගොතන හිනෙට
රටා මැව්වා නුඹත් ඇවිදින්
2013-10-17
මලෙන් උපන් කුමාරයෙක්
මලෙන් උපන් කුමාරයෙක්
පතන්නෙ සුර ලොවෙන් ඇවිත්
කුමාරි මං තව කුළුඳුල්
කියන්න දැන් රැඳෙයි තුටින්
෴දර්ශන෴
17.10.2013
දිය සිඳුණු ගංගාව
දිය සිඳුණු ගංගාව
බිම ඉරිතලා...
වැසි කඳුලු නෑ තාම
හිරු නැහැවිලා...
කන්දක් වගේ හිතක
හෙන විසිරිලා...
විඳ ගන්න දුන් ආලේ
වියැකී ගියා
අළු වී ගියා ආයෙ නොඑනා නිසා
෴දර්ශන෴
17.10.2013
2013-10-12
ගසක් නැති ඈ මලක් පැතුවා ය...
අත්ල ගිලිහී ගිය මටසිලිටු බව
සක යොමා ඔබ මොබ
ඉඳින් මල් ගස කිමද ඔරවන
මලක් වන්නට බැරිද ඈ හට.!
දන්නේ ඉහළ යාමක්
පමණමද ඔය කුරිරි තුරු හිස
කිම පාත් නොකරන
මදක් අතුරා කරුණාව හදවත.!
පරවුණු විට පමණක්ය
කිම නොහෙළන්නේ නැවුම් මල් බිම
ඈ පතන්නේ බුදුන් පුදනටම මිස
සළෙලුන්ට පුදන්නට නොවේ නුඹ!
තුත්තිරි උනත් දිරි ගෙන
මුමුණන තාල විමසන
මලක් දීගත නොහැකි තැන
සකට දිවි දී දුකින් මිය යන...!
සංසාර සක අත්වාරු ගෙන
තුරු පාමුලම මලක් පමණක් යදින
කිම යොමා දෑත් ඉහළට
තුර නුඔ පතනවාද පාද ඈ වෙත...!
2013-09-17
දෛවය
෴ සිතුවිලි පලස ෴
Newer Posts
Older Posts
Home
Subscribe to:
Posts (Atom)
කියවපු අය
සිතුවිලි පලස හැඩ කරන අය
*ශිරූ ගේ ලෝකය *
Admin
Darshana
Dasun Wanaguru
Ruwan Bandujeewa
Unknown
Unknown
Unknown
Unknown
Unknown
Unknown
Unknown
Unknown
Unknown
Unknown
Unknown
Unknown
Unknown
Unknown
Unknown
කල්ප සී. එදිරිසිංහ.
කළුවර හීනය
කුරුළු නිස්කලංක
පාදඩයා
පොඩි මෑන්
මචං
රුක්ෂිලා වෙත්තමුණි
වජිරා සුභාෂිණි ගුණවර්ධන
සමිත බී. අටුවබැන්දෑල
හිමු කිරණ
madu v de silva
nakedfantacy
Popular Posts
මගේ හදවත පැයු සඳ නුඹ
෴ සිතුවිලි පලස ෴ මගේ හදවත පැයු සඳ නුඹ කඳුළු සක්මන් කරපු හද වෙත සෙනෙහසේ මුදු සිසිල තවරා මගේ හදවත පැයු සඳ නුඹ ආදරේ සඳ එළිය ...
මම හිදිමි තව මඟබලා
දසත හමනා සුළං රැළි වල අපේ මතක ඇත පාවෙලා මසිත කලඹා නැගෙන සුසුමන් නුඹේ හිත ලග යාවෙලා දිගත නලවා දැනෙන හසරැලි සිතට සිත තව ලංවෙලා අරුත කියනා ...
....කඳුළු මල් මාලා....
කඳුළු මුතුවැල් හෙමින් ඇවිදින් දෙනෙත් පෙති අග සැරසිලා දෙඇස් තෙමමින් මාල අමුණයි නුඹේ සෙනෙහස සිහිවෙලා හිතක් අඟ රැදි රහස් බොහොමයි දෙනෙත් කඳුල...
෴ පෙර දිනයක මා පෙම් කල යුවතිය෴
පෙර දිනයක මා පෙම් කල යුවතිය මගේ ලගින් හිද සිනා සලද්දි සතුටු සිනා මැද ගීත කියද්දී ඔහු ගැන මා හා කතා කියද්දී සිනා රැලක් මා තුල මතු වෙන්නේ...
කළුවර හීනය
෴ සිතුවිලි පලස ෴ කඳුළක් සුසුමක් එකට හමුවු තැන බිඳ වැටුනු හදවතක මැරුණු නටඹුන් අතරින් ජිවිතය සෙව්වෙමි මම පුරුදු මඟ සොයන්නියකසේ කඳුළු ම...
" දුමේ දාපු කවි"- by Aariyawansa Himu
" දුමේ දාපු කවි" by Aariyawansa Himu ( Notes ) on Tuesday, October 23, 2012 at 7:40pm එළුවා දුවයි උගෙ කුට්ටම හොලවාල...
අහිමි උණුහුම…………
වහිනවට මං හරි ආසයි , ඒ වැස්සෙ හඬ මට පුදුම තරම් සුන්දරත්වයක් හිතට අරගෙන එන්නෙ , වෙනදට මං වහිනකොට ඇස්දෙක පියාගෙන මුළු හදින්ම වැස්ස එක්ක අ...
කුළුදුල යලිත් ඇවිදින්..෴♥ ♥
෴ සිතුවිලි පලස ෴
අතීතය.........
ආදරය
෴ සිතුවිලි පලස ෴
සියළුම නිර්මාණ හිමිකම් කතුවරුන් සතුයි. ඔවුන්ගේ අවසරයකින් තොරව උපුටා ගැනීම දඩුවම් ලැබිය හැකි වරදකි |. Powered by
Blogger
.
පැරණි ලිපි
▼
2014
(6)
▼
July
(1)
_________ජීවිත_____________
►
May
(1)
►
April
(2)
►
March
(2)
►
2013
(102)
►
December
(1)
►
October
(7)
►
September
(1)
►
August
(9)
►
July
(4)
►
June
(18)
►
May
(62)