ගැබ්බර කොටි දෙන කඳවුර අසල මරාදමන ලදි

හසකැන් තිලක තල් අත්තේ තියූ ලියා
සඳකැන් අරන් රෑ අහසට පැමිණි ලියා
බිඳකුත් දුකක් නැත මායිම ලිහූ ලියා
සඳකුත් මකා හැම තරුඑළි නිවූ ලියා

කල්ලඩි පැනං පෙති ගෝමර ලිහා දමා
මුල්ලඩි මකා වැලි පාවඩ ලිහා දමා
තල්අඩි ගැසූ ගැට නව දැලි දුරක දමා
කල්ලඩි පැනං සිංහල ගැබ කුසේ දමා

තල්ලත්තේ පැළලි අතර රටා වියා
රස්සාවට යුද්ධ කරන කොළඹ එයා
සින්නක්කර ගත දුන් කළු දෙමළ ප්‍රියා
උස්සන බඩ උඩ නැංගේ නැතිද එයා

ගත පමණකී සිත නැති සඳ කිඳුරාණ
සැතපුණු නිවන්නට සරතැස ඉඳුරාණ
කුස දරු හොවන බව දැනගෙන සොඳුරාණ
තිව් වෙඩි වලට පැළුනිද කුස දෙදරාණ

ඈ කොටි දෙනකි ගැබ් ගත් පසු ඉඳුරාම
මරණය උරුම රමණය කල පව හාම
අවියක් නිමිත්තක් කල පිරිමින් මේම
දුටුමන දැවෙයි උළලේනින් හද තාම.....

|CHAMINDA PRADEEP SILVA GUNARATHNE